اشرف بلوچ
اشرف بلوچ
اشرف بلوچ: اداڪار، اسٽيج آرٽسٽ ۽ ڪمپيئر اشرف بلوچ حيدرآباد ۾ ڄائو ۽ سچل آرٽس ڪاليج ۾ پڙهيو. 1984ع ڌاري ڪاليج ۾ هڪ اسٽيج ڊرامي ۾ حصو ورتائين. فيروز الدين ’احساس‘، بلاول پرديسي، بشير احمد سندس استاد هئا. ريڊيو تي پروڊيوسر انور بلوچ سندس آواز جو امتحان وٺي کيس سنڌي ڊراما آرٽسٽن جي لسٽ ۾ شامل ڪيو. سندس پهريون ڊرامو ’واچوڙن جي واٽ‘ آهي. پاڻ ڊراما آرٽسٽ سان گڏوگڏ تمام سٺو انائونسر ۽ ڪمپيئر پڻ آهي. ڪجهه گيت به ڳايا اٿس. ڪجهه سنڌي فلمن جي ڊبنگ به ڪئي اٿس. ’اوهان جي فرمائش‘، ’صبح مهراڻ‘ ۽ ’يادون وسرنديون ڪو نه‘ جهڙن ريڊيو پروگرامن جي ڪمپيئرنگ به ڪري چڪو آهي. ريڊيو خيرپور جي پهرئين سنڌي ڊرامي ۾ حصو وٺڻ جو شرف به کيس حاصل آهي. خيرپور ريڊيو تان جهانگير قريشيءَ جي پيش ڪيل امر جليل جي ڊرامي ۾ پڻ ڀرپور نموني ڪردار نڀايائين. ريڊيو کان علاوه ٽي، ويءَ جي ڪجهه ڊرامن ۾ حصو ورتو اٿس ۽ خيرپور، حيدرآباد، پني عاقل ۽ نواب شاهه ۾ ڪيترا اسٽيج ناٽڪ ڪري چڪو آهي.
لفظ اشرف بلوچھيٺين داخلائن ۾ پڻ استعمال ٿيل آھي